يا بعد عمري تدلل واطلب عيوني فـداك
ولو طلبت العمر كله قلت لك لبيك جـاك
****
انت اغى من عشقته وانت في قلبي مـلاك
يشهد الله من غلاتك سرت اغلي الي غلاك
****
العشق من غير قربك سايرا كنـه هـلاك
والعمر لي وش يساوي دام اني ماني معاك
****
لو ادور الكون كله ما ملا عينـي سـواك!!
ساحرا قلبي وعقلي والبلا بسمـة شفـاك
****
إن بعدت ازداد شوقي وكل يوما في طراك
وإن قربت اشعلـت نـاري فـي هـواك
****
كل يوم وكل ساعه انتظـر لحظـة لقـاك
واتذكر كيف نجلس وكيف كنـا يـوم ذاك
****
يوم اقولك يا حبيبي ترد لي يا نعم لبيك جاك
وقتها الدنيا با اكملها ما تسع مشيت خطاك
****
وانا اقول اكثر تدلل واطلب اعيوني وهاك
يكفي اشوفك وسط قلبي زيدا والله غـلاك
الرئيسية 
